وين اروح
 

مـا قبلنـا الحـظ قـولـي ويـن ابـرحـل ويـن اروح؟؟




اسمحي لي يالغرام العذب يالوجه السموح
ان لزمت الصمت أو حتى لبست الاقنعــه



اعترف لك ما بقى من عالي الهمه سفوح
انحـــدر كلــي مثـل طفل تحــدر مدمعــه

من يبي بالله يفتح لي غلق صـدره و ابــوح
ضاقت الدنيا بشاعر طيــب قلبــه ضيعــه

ما قبلنا الحظ قولي وين ابارحل وين اروح
الصبر ياهو يعــذب و الامــانــي موجعــه

اه يـا جــود الحــزن وياي و الفرحه شحوح
ضايع بهمومــي الغبرا بــوســط المعمعــه

اشتكـــي لوسادتي دنياي واسمعها تنـــوح
كنها بعضي وبعضي وين هو من هو معه

ايه انا و العالم المغرور و الياس اللحــــوح
خايض حرب الرياح اللي تسوق الاشرعه

مختلط في عبرتي حبر الشقى ودم الجروح
ومستوي في نظرتي غرب الوجود و مطلعه

عودي المبري بقى به من عطايا الوقت روح
وفصل خامس حاير بين الفصول الاربعه

وراس مالي ذكريات حلم وأمال و طموح
لا صـديـق ولا رفيق ولا طريق واتبعــــــــــه

نوب اسافر في سديد الراي ونوب في جنوح
مختفي صوت الحقيقه كيف ويش لون اسمـــــعه

ســـــــــــــــــامحيني دام هجري واضح كل الوضوح
واسمحي لي بالرحــــــيـل بلا تــذاكــر وامتعــه

رد: وين اروح