إي والله أهوجـس

إي والله أهوجـس ولانـي بمرتـاح

والحزن فى حوش الحنايـا بفـاروع

أمسيت من وصل المواليـف مـزاح

وأصبحت من فرقى المواليف مفجوع

البارحه.. في غبة الوصـل سبـاح

واليوم من عرش المواصيـل مخلـوع

ياصاحبي.. صرح الهوى والوفا طاح

والقلب كنه من عراويـه مقشـوع

كنت أحسب إن لحبنا عشرة أرواح

إلين شفت الحبـل بيديـه مقطـوع

يوم العهد به حده إسبـوع لا راح

ويعوّد علي شوق ودمـــــوع

واليوم خمس سنين والهم مـازاح

هم الفراق اللي بلا عذر مشـروع

أستغفر الله تسعة شهـور ياصـاح

في غيبته قمت أحسب اليوم بإسبوع

العام .. خلي يسمع القلب لا صاح

واليوم .. مهما صاح ماهو بمسموع

ضاع الحساب وشفت برق الجفا لاح

وأيست لولا إن الرجا في مـزروع

وحالي نحل والحال مهوب منسـاح

من كثر ما أظمى للمواصيل وأجوع

بليت في من دونه سيـوف ورمـاح

وغدا علي وصله مثل حبة الكـوع

له مني إن سره على النـاس مابـاح

ولي منه إن الصد غصب ٍ بلا طـوع

الوقوف على مداد حرفك يضفى على الإحساس بهجة ..

يسلمووووووووووووووووووو

اختي على المرور الرائع

نورتي موضوعي

الله لا يحرمني من طلتك

طــــرحت فآبدعت / سلمت الانامل على الابدآع

ربي يعطيك العافيه / نتـــــطلع لجديدك

تحيآتـي لك

يسلمووووووووووووووووووووووو

على المرور الرائع

ربي يعطيكم العاافيه

نورتم موضوعي

الله لا يحرمني من طلتكم