أبغى من وقتك دقيقه

أبغى من وقتك دقيقة

ليش نـزلــتي عيـونـك إرفعيها وطـالعينـي

والا يعني إنحرجتيي يوم جاوبتي ســـــؤالي

ليش قلتيلي أحبــك ليش كنتي تخدعيني

ليش قلتيلي حبيبــي ليش قلتيلـــي ياغالي

كان ممكن ما أحبك كان ممــــكن تتركيني

كان ممكن من بدايه تخـــدعي غيــري بدالي

ليش أنا بالذات يعنـي ليش قولي جاوبيني

بعد غدرك خبريني وقولي بـــس شلي بقالي

والله إنـي ما جرحتك ليش أنتي تجرحيني

هنت على قلبك حسافه وإنقضت أجمل ليالي

والقـهر للحين أحبك وادري إنــك ماتبيني

والمحبه من طـــــرف واحد نهايتها زوالي

كان عمري بيدينك قولي وش كـان بيـديني

أذكــــر إنه من غلاتك كان قــــدرك فوق عالي

كنت أتجاهل وأطنش يــوم نــغزاتك تجيني

وكنت أقول الحب أكبــر من تصـــرف لا مثالي

أبغــى من وقتك دقيقه وليت أنك تمنحيني

بس أبا أقولك ثلاث أشياء وأروح أمشي لحالي

أولا فعـــلا أحبك كنتـــــــــي قلبي وعيني

.....وكانت الدنيا بوجودك شي روعــه شي خيالي

ثانيا عاللي بدر مني دخــيلك ســــامحيني

يمكن أنه زل لســـــاني وقلت إنك راس مالي

ثالثا أسألك بالله وأطــــتلبك لا تذكريني

احرقي كل القصايد وانسي أشواقي ووصالي

المهم إني أببعد وأنت روحــــي وأتركيني

ارجعيله ومثلــــــي دور البريئه اللي تبـالي

وفي النهايه قبل ما أنسى بقولك كلمتيني

انتي كل شي في حياتي!!

مشكور اخوي طير على النقل يعطيك العافيه

يسلموووووووووووووووووووو

اخي على المرور الرائع

ربي يعطيك العاافيه

مننحرم من طلتك

اعجبني ماسبق كثير
وفيه ابداع واحساس رائع
احييك على ذائقتك العذبه..
وبنتظار كل جديد منك

مودتي

يسلموووووووووووووووو

اختي على المرور الرائع

ربي يعطيك العاافيه

مننحرم من طلتك