|
|
|
ســـــــــــــــــــــبحان الله وبحــــمده ســـــــــــــــــبحان الله العظيم
|
رسالة المنتدى |
 |
 |
 |
|
||||||||||
 |
 |
| مـنـتـدى الـشـعـر وهـمـس الـقـوافـي (كل مايتعلق بالقصائد والأبيات الشعرية - شعر نبطي - شعر شعبي - شعراء الساحه العربيه) |
 |
|
|
أدوات الموضوع | انواع عرض الموضوع |
|
#1
10-03-2011, 09:58 PM
|
|||||||||
|
|||||||||
من قصائد الشاعر محمد دغيم السميري العتيبي
هذه القصيدة هي للشاعر/ محمد دغيم السميري العتيبي اعجبتني واحببت ان انقلها لكم اتمنى ان تنال اعجابكم ورضاكم يـا حمـود انـا والله مانـي بكـذاب انـا عـدو الكـذب وانـا خصيـمـه من كنت طفل اصغير وادركت الاسباب نفسـي عزيـزه ماقبلـت الهضيـمـه ولاخـذت يمنـاي مـدات الاصحـاب اصـارع الدنيـا بصبـر وعزيـمـه والعبـد يبـلا بالمكـاره والانـشـاب لاكنهـا يـا مسنـدي مـا تضيـمـه ينصك باب ويفتـح الله (100) بـاب وبنـت الضعِيـف نعتبرهـا يتيـمـه ما ني بمن يـدرق رفيقـه ليـا غـاب ولانـي بمـن ياتـي بليـا عزيـمـه سـج القـدم ساعـه ومبـداً بمرقـاب اخيـر مـن شوفـت طيـور الوليمـه ولاني براعي مونـةٍ عنـد الانسـاب ولانـي براعـي جلسـةٍ مستديـمـه حتى ولـو كانـوا عزيزيـن واقـراب البعـد مـا يرخـص للاحبـاب قيمـه ولاتبع المقفي ولاحسـب لـه احسـاب مايتبـع المقفـيـن غـيـر البهيـمـه اجـازي الطيـب بطيبـه ليـا طـاب واصد عـن هـرج القفـى والشتيمـه ولانخـدع فاللـي تضحـك بالانيـاب القلـب جيفـه والمـلامـح وسيـمـه عساه مـن فـدوة كريميـن الاشنـاب اللـي مباديهـم نـضـاف وسليـمـه الله واكبـر فالبلـد كنـنـا اغــراب فـي مجتمـع جلـه نفـاق وظليـمـه سود الليالـي تذهـب العاقـل اذهـاب ياصل بها من ضيقـة الصـدر تيمـه ياكثـر ماشفنـا والأيــام هــراب الوقـت يمضـي والمصايـب مقيمـه درست درسٍ فيـه مـن كـل هنـداب درسٍ حكيـم ومـن رجـالٍ حكيمـه درسني الشايب وهو مـا بعـد شـاب الله علـى عـزه ومـجـده يديـمـه اخـذت معـه سنيـن للعلـم طـلاب يـوم البـداوة والحـيـاة الكريـمـه ذقنا بها اصنـاف المشقـه والاتعـاب وذقنا بهـا اللـذات لـو هـي عقيمـه وجدي عليها وجد من طـاح منصـاب فـي ساعةٍربعـه بــذل وهزيـمـه ليا نشى مـزن الحيـا كنـه هضـاب علـى اول الوسمـي تقافـا رديـمـه والبل جزت والها اصطفاقه وسـوراب قامت عـن الراعـي تـذب الخريمـه وقالوا وقيل وجاب الأخبار من جـاب قالوا شهر ما شقـت الشمـس غيمـه وجونا العسوس وصاح فالبـدو نبـاب قالـوا لقينـا قافـي السـيـل ديـمـه وسقنا العشاير وانتحت جرد الارقـاب لاكنهـا جـيـشٍ فحلـهـا زعيـمـه وحنا ذراها يـوم غـارات الاجنـاب ورثٍ لهلنـا مـن عصـورٍ قديـمـه رماينـا قطـاع وليـا رمـى صـاب نروِ القنـا والعظـم نكسـر صميمـه وبعد ثمان ايـام والمشـي ضبضـاب مالت علـى نقـع الخبـاري محيمـه ثم فاحت الأطياب من ريـح العشـاب يسوقهـا الغربـي بنسـمـة نسيـمـه وشوف الطيور اجوال واسراب ٍ اسراب مـن ضمـن لـذات الربيـع ونعيمـه وشوف الخزامى والنفـل فيـه جـذاب والقحويـان بكـل زهــره رقيـمـه ثم شيدوا سودٍ علـى خمسـة اقطـاب بيت الشعـر مجلـس ومطبـخ خيمـه للبـن صبـابٍ وللحـيـل قـصـاب يا ما رموا في نارهـم مـن هشيمـه ودارت علوم الطيـب والنجـر لعـاب فـي مجلـسٍ مافيـه ناقـل نميـمـه واخير ذودك بركـن حـول الاطنـاب عقب العشاء والخلـف حـزة عتيمـه سرالهـا الراعـي بسطـلٍ ومحـلاب وقلت احلب الشرفـا وعمـره وريمـه نومـك بجـوٍ يسحـر العيـن خـلاب والصبـح يقعـدك الحـوار برزيمـه وساقوا على المرعى جماعات واحزاب لجنـاب والأخـرى عليهـا الوسيمـه وبعد ثلاث شهور من جمـع الاحبـاب اصفر عود العشـب واقبـل صريمـه عرقه يبس وامـا رقـاق الـورق ذاب تلعـب عواصيـف الهبـوب برميمـه وتفرقـوا مسنـاد علـوى ومجـنـاب كم عاشـقٍ كبـده طوتهـا الحريمـه وبانت نجـوم القيـض حـرٍ وملهـاب واخـص ساعـات الهجيـر اللئيـمـه هاذي حياتي لوبها بعـض الاعجـاب بيـن البـداوه والحضـاره لزيـمـه والحمد للفـرد الصمـد رب الاربـاب كسبـت بالثنتيـن عـلـم وغنيـمـه انا احسن الإيجـاز واجيـد الاطنـاب منهج وطرح وشرح وان مـال اقيمـه مثايلـي نهـرٍ علـى سفـح صبـاب شـلال مـاه دوا القلـوب السقيـمـه سـمٍ علـى اكبـاد المعاديـن ينسـاب ولأهـل الوفـا فيهـا وقـارٍ وشيمـه لانـي بـمـداحٍ ولانــي بسـبـاب إلا ليـا قـابـل غـريـمٍ غريـمـه ياحمود لي عن سب الاجـواد مجنـاب ومدح الردي عيـب ونفـاق وجريمـه الرزق عندي اللـي لـلارزاق وهـاب ماهو بفـي مـدح الوجيـه الكضيمـه كـم واحـدٍ يشتـم ويضلـم ولاهـاب والظلـم عاقبتـه تـراهـا وخيـمـه وهاذي على ما قيـل شريعـة الغـاب الربـح غايـه والمـبـادي ذميـمـه وكم دعوةٍ مـا دونهـا سترواحجـاب عن منـزل آيـآت الكتـاب العضيمـه من لا رجا رحمة جزيل العطا خـاب رحمـن كـل الكـون ربـه رحيمـه للأثـم كسـابٍ ولـلاجـر كـسـاب والموت فـراق الفتـى عـن حميمـه اعـز مـن تذكـر يغطيـك بتـراب امـا نعـيـم القـبـر وإلا جحيـمـه شرحت عن بعض المواضيع بأسهـاب ومريـت بالأخـرى خطايـه هميمـه مجيت سايقها علـى السـوق جـلاب هديتـي لأهـل العـقـول الفهيـمـه ليا نحرف عن منهجـه كـل مرتـاب انـا علـى نهـج الأصالـه نديـمـه وصلوا عدد مـا زل مذنـب وماتـاب علـى رســول الله نبـيـه كليـمـه وسلامتكم
ألابُعــدًا وبُعــدًا ثم بُعدًا = لِمَنْ يَرمِي النبوةَبالسهــامِ عجبــتُ له أليـسَ لديه وعيٌ = بما اقترفتْ يداه مِـنالأثام برئنا مِن سفاهته وعُـذنا = بربِّ الكونِ من سُــوءالخِــتامِ 
|
|
10-03-2011, 10:17 PM
|
#2 | |
|
عضو متالق
|
رد: من قصائد الشاعر محمد السميري العتيبي
قصيدة أكثرمن رائعة لشاعر محمد السميري وأبقاك يالقناص على الخير تقبل مروري
|
|
|
|
|
10-04-2011, 05:55 AM
|
#3 | |
|
عضو نشيط
|
رد: من قصائد الشاعر محمد السميري العتيبي
قصيده رائعه فيها من الحكم والنصح والمدح وجزا الله ناقلها كل خير
واتمنى من عنده قصائد لشاعرنا الكبير محمد رحمه الله لايبخل علينا فيها |
|
|
|
|
10-04-2011, 06:57 AM
|
#4 | |
|
عضو متميز
اسعى الى المجد
|
رد: من قصائد الشاعر محمد السميري العتيبي
ولاني براعي مونـةٍ عنـد الانسـاب ولانـي براعـي جلسـةٍ مستديـمـه حتى ولـو كانـوا عزيزيـن واقـراب البعـد مـا يرخـص للاحبـاب قيمـه ولاتبع المقفي ولاحسـب لـه احسـاب مايتبـع المقفـيـن غـيـر البهيـمـه اجـازي الطيـب بطيبـه ليـا طـاب واصد عـن هـرج القفـى والشتيمـه ولا أنخـدع فاللـي تضحـك بالانيـاب القلـب جيفـه والمـلامـح وسيـمـه عساه مـن فـدوة كريميـن الاشنـاب شكرا لك على القصيدة الحكمة لشاعر / محمد دغيم السميري
|
|
|
|
12-14-2011, 07:48 AM
|
#5 | |
|
مراقب سابق
ڡیڝڵ ٳڵښمیڒی
|
رد: من قصائد الشاعر محمد دغيم السميري العتيبي
ذائقه اعتلت لقمة الذوق
وكلمات نسجت اروع المعاني اسجل اعجابي بطرحك... لاتحرمنا جديدك بانتظار المزيد من ابداعاتك.. لك ولذائقتك خالص احترامي .. |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المنتدي قائم لخدمة أبناء القبيلة وذلك للتعارف والتواصل
وتبادل المعارف والعلوم ولا يمثل رأي مشائخها وكبارها إلا فيما يشار اليه وجميع
مايطرح في هذا المنتدى من مشاركات ومواضيع يعبر عن رأي كاتبه دون أدنى مسؤوليه
والله الموفق
 |
 |
 |
العرض العادي
